På nytt er våren er i kjømda, og ved Sunnylven omsorgssenter kom dei fyrste blomane i jorda måndag i påskeveka.

Alle foto: Privat / Liv S. Gjerde

Gjennom eit samarbeid mellom Sunnylven sanitetslag og pårørandeforeininga ved Sunnylven omsorgssenter vart det kjøpt inn og planta vårblomar i utekrukkene. Plantinga sytte Hilde Langlo Brekke og Ruth Hole Aaland for i vårsol.

-Mange ønskjer å gje ei ekstra oppmuntring for bebuarane på omsorgssenteret no når det ikkje er høve til å besøkje dei. Måndag fekk fleire av dei nyte vårlufta på trilletur i behageleg temperatur og sol frå skyfri himmel.

Og inne kom det påskeblomster på borda og Twist på pauserommet, før påskekyllingane dukka opp under middagen og delte ut mandarinar.

I påskeveka har bebuarane ved omsorgssenteret meir å glede seg til, for onsdag blir det ny kakefest som fam. til Jon T. spanderer, fortel Ruth Hole Aaland i pårørandeforeininga.

Sist veke fortalde banksjef Kjell Martin Ringset at Sparebanken Møreskulle kjøpe inn inntil ti iPad til endreinstitusjonar i Stranda kommune. Sunnylven omsorgssenter har fått tre slike som blir brukt til å halde kontakt mellom bebuarar og deira familie. Ei flott gåve som var kjær og populær å få.