Andakroken – ny digital trimpost
Den nye trimråsa til Andakroken stod ferdig i slutten av april i år. Trim- og friidrettsgruppa har fått ein del henvendingar med ønskje om at denne nye trimturen vert definert som trimpost. No er Andakroken lagt inn i Georeg slik at det er mogleg å registrere seg på denne posten digitalt.
Les meir om den nye trimråsa i ein tidlegare artikkel på hellesylt.info.
Per 23. mai er det 35 unike brukarar som har registrert seg på ein av Sunnylven IL sine trimturar i GeoReg.
Desse 15 trimpostane er lagt inn:
| Post | Bredde | Lengde | Poeng |
| Andakroken | N62.0990 | E6.8888 | 3 |
| Berga | N62.0400 | E6.9735 | 3 |
| Gamle Shell | N62.0839 | E6.8794 | 3 |
| Hellebostadmarka | N62.0771 | E6.9128 | 3 |
| Karbømarka | N62.0693 | E6.8043 | 3 |
| Nestevatnet | N62.0068 | E7.0404 | 3 |
| Ringdalen | N62.0941 | E6.8608 | 3 |
| Stegholen | N61.9837 | E7.0416 | 3 |
| Svarthammaren | N62.0829 | E6.8653 | 3 |
| Høgane | N62.0121 | E6.7334 | 5 |
| Nausane | N62.0790 | E6.8689 | 5 |
| Tronstadsætra | N62.0380 | E6.8133 | 5 |
| Ljøbrekka | N62.1398 | E6.9213 | 8 |
| Skaret | N62.0743 | E6.8554 | 8 |
| Steimsnibba | N62.0578 | E6.8902 | 15 |
Dei resterande postane vil bli lagt innfortløpande. Om du er på ein trimpost som ikkje er registrert i GeoReg så gjer vel å ta skjermbilde av GeoReg som viser koordinatane og send desse til trimgruppa ved Gunnar Fivelstad på epost: gunnar.fivelstad@stranda.kommune.no slik at ein får registrert trimposten i systemet.
Registrering av brukar.
Gå inn på https://www.georeg.no
Velg Registrere.
Fyll ut alle obligatoriske felta i skjema :
Fyll ut brukarinformasjon.
Ein kan velje å hake av for : vis meg «som anonym».
Då vil du opptre som NN i alle resultatlister, men som ein konsekvens får du heller ikkje sjå namna på andre deltagarar i oversiktslister.
Trykk deretter «Registrer meg».
Du vil då få tilsendt passord på oppgitt epost-adresse. Brukarnavnet ditt er mobilnummeret.
Installasjon av APP – GeoReg.
Søk opp og last ned app til telefon frå AppStore eller Google Play.
Start app og logg på med den brukarinformasjon som du fekk oppretta i stega over.
Registrering av post.
Når du kjem til ein post som er registrert i GeoReg startar du appen og trykkjer «Registrere».
Du vil då få ei «kvittering» på at ditt besøk på den aktuelle posten er registrert og i tillegg informasjon om kven som sist har besøkt posten.
For å kunne registrere posten må du vere tilstrekkeleg nær – Innanfor ca. 100 meter frå trimposten. Når posten er registrert vil du ikkje kunne registrere denne posten igjen før etter 5 timar.
Du kan logge deg inn på https://www.georeg.no og følge med på alle dine registreringar:
