Storfjordstemnet 2021 er lagt til Ljøen søndag 29. august. Stemnestad er amfiet på Fjellgarden Øvre Ljøen.

Som vanleg har leiinga i Storfjordens Venner sett saman eit både godt og allsidig program til den årlege festen i verneorganisasjonen.
I fjor vart stemnet avlyst grunna pandemien som kom, og også i år må det takast visse hensyn i høve korona. Det blir såleis begrensa billettsal til 300.

I pressemeldinga som er sendt ut går det fram at før programmet på stemnestaden i amfiet blir det guida turar til både Nerljøen/ kaia, og langs Den Trondhjemske Postvei. Odd Normann Hoff og Petter Hjørungdal er guidar etter turane.

Variert program

Programmet startar klokka 13.00 med helsingar, det blir diktlesing, orientering om gardane på Ljøen og om Storfjordens Venner, musikk ved Sunnylven skulekorps og konsert ved Sigrid Moldestad
Stemnet byd også på natursti, lotteri med fleire store og små gevinstar, sal av rømmegraut og pølser, med meir.

Billettar til stemnet

Det blir førehandssal av inntil 300 billettar, 200 i amfiet og framfor scena, og 100 på sida av amfiet. Ting billettar alt no, for her gjeld prinsippet «først til mølla», skriv arrangøren. Førehandssal/reservasjon av billettar får ein ved henvendelse på e-post til einar@verdsarvfjord.no

Oppgje namn og telefonnummer på alle som skal ha billett, også barn.

Betaling på Ljøen søndag 29. august med kort, VIPPS eller kontant. Pris kr 300, barn u/16 år gratis.

Vi legg ved heile programmer her:

• Opning ved leiar for Storfjordens Venner v/Inge Bjørdal
• Helsing frå ordførar i Stranda kommune Jan Ove Tryggestad
• Konsert ved Sigrid Moldestad
• Guida tur til Nerljøen-Ljøkaia v/Odd Normann Hoff (Klokka 11.00)
• Guida tur langs Den Trondhjemske Postveg v/leiar for Ljøbrekkas Vener Petter Hjørungdal (Klokka 11.00)
• Orientering om drifta på Ljøen i gamle dagar v/Erling Ljøen
• Orientering frå grunneigarane på Ljøen v/familien Bonsaksen og Erling Ljøen
• Natursti v/Øystein Runde
• Musikk v/Sunnylven skulekorps
• Allsong
• Diktlesing v/Ivar Berge
• Orientering om arbeidet til Storfjordens Venner v/Odd Normann Hoff
• Utlodding med følgjande vinstar
• Frå Ekornes AS: Stressless Mayfair Classic m/krakk. Farge 05410 Paloma Silver Grey, 06 – valnøtt base. Sving. Verdi: 17 709 kr.
• Frå Formfin AS: Mobile stol (bestseljar). Raudt ullstoff. Verdi: 10 501 kr.
• Vasset Industrier AS (Mauseidvåg): 10 stk. flotte pynteputer i div. fargar.
• Mange mindre vinstar

Det vert sal av rjomegraut, pølser og kaffi og det vert høve til å kjøpe rekvisittar (m.a. T-skjorte, caps, bøker, kalender) og teikne medlemsskap i Storfjordens Venner.

Ta gjerne med seteunderlag.

Husk smittevernreglar!

Har du sjukdomssymptom, skal du ikkje delta på stemnet.