Som i 2019 inviterer Coop til årets ryddedugnad i september. Butikksjef Michelle de Vries ved Coop Marked Hellesylt håper kundar og andre frivillige blir med på årets miljødugnad.

I ei pressemelding frå Coop blir kundar, tilsette ved butikkane og andre invitert til å delta i den store ryddedugnaden av søppel i naturen. Då aksjonen vart gjennomført i 2019 rydda tusenvis av unge og eldre 80 tonn søppel over heile landet langs elvar, strender, på skulevegar og andre stader.

Ikkje mat for fisk og fuglar

– Plast på avvegar har blitt ei av dei største miljøutfordringane i vår tid. Alle har vi fått med oss bilda av fuglar og fisk med magen full av plast. Vi har alle eit ansvar for å bidra i oppryddinga, seier Per Løberg Eriksen, bærekraftansvarleg i Coop Norge.
Ryddeaksjonen vart den gong som i år gjennomført i samarbeid med Hold Norge Rent og Retura.

Får gratis ryddeutstyr

I perioden 11. til 19 september kan alle som ønskjer det hente ryddeutstyr i form av arbeidshanskar og sekkar hos alle 250 Coop-butikkane over heile landet.
Coop Nordvest har 34 butikkar, og her ligg mellom anna Coop Marked Hellesylt. Ta kontakt med butikksjef Michele de Vries for å få utlevert utstyr og informasjon om aksjonen.

Håper heile familien deltek

De Vries gleda seg stort til å møte frivillige som ønskjer å utgjere ein forskjell for sitt nærmiljø.

– Coop ryddar Norge er ein ryddeaksjon som engasjerer kundar i alle aldrar.  Vi håpar at våre medeigarar stille med alt ifrå barn, besteforeldre og vennar, og gjer søppelryddinga til ein skikkeleg sosial dugnad for nærmiljøet, seier ho.