I Sunnylven kyrkje var det lysmesse fyrste søndag i advent. Samlinga i kyrkja var ved prestevikar Ann Kristin Langeland, kantor Gunnar Inge Eide og konfirmantane i Sunnylven.

Kyrkjeklokka kalla til lysmesse i Sunnylven kyrkje søndag. Mange kom og i kyrkja fann dei varmen der Langeland ønska vel møtt til 60 – 70 frammøtte på ein litt kald fyrste søndag i advent.

Lysmessa denne dagen var i grunnen konfirmantane si gudsteneste, sa Langeland. Dei åtte ungdomane hjelpte med både tekstlesing og tenning av lys i den mørklagde kyrkja, og toga ut i vakker, stemningsfull prosesjon til slutt.
Sjølv hoppa prestevikaren over dagens preiketekst og gjorde preika si over eit tema i ein Nord-norsk song, «Velsigna du dag over fjorden, velsigna du lys over land». Og ved orgelet gjorde som vanleg Eide stødig jobb til songar, den siste «Deilig er joden».

Nye samlingar i kyrkja
Ann Kristin Langeland minte til slutt om nye samlingar i Sunnylven kyrkje dei neste vekene. Fyrst blir det konsert med musikarar og Ytre Suløens Jassensemble tysdag 7. desember, det blir Julekonsert med song -og musikkrefter i Sunnylven søndag 19. desember, og så gudsteneste på julaftan klokka 16.00.