Det nærmar seg ferdig renovert Sunnylven skule. 14. desember skal den overleverast frå byggfirmaet, blankpussa og nedvaska.

Barbro Lade er valgt inn i styret for Sunnylven samfunnshus. Foreininga har teke på seg å vaske ned Sunnylven skule etter byggearbeidet.
-Dette gjev oss gode pengar til vår planlagde renovering, som skal gje oss det finaste forsamlingshuset i mils omkrins, skriv Barbro Lade i ein e-post til hellesylt.info

Ho fortel vidare om kva jobb dei har teke på seg å gjere:
Vindusvask
Moppvask av veggar
Tørrmopping av golv

Dugnaden skal i fyrste omgang foregå i veke 49, frå 6. desember.
No ønskjer styret i Sunnylven samfunnshus hjelp til jobben. Det er sett opp to klokkeslett, frå klokka 15.00, eller 18.00.
Men om andre tidspunkt passar betre er Barbro med «dugnadsansvarleg-hatten» som ho kallar seg open for andre tidspunkt, og legg til;

-Om det kan passe for Deg og ta i eit tak, eit par timar ein dag denne veka (49) blir eg veldig glad. Send meg ei meldig på e-post eller sms, mob. 928 96 278, skriv Barbro Lade.