I romjula 2011 kom ei «sint dame» inn over Nordvestlandet. Orkanen Dagmar var ein av dei kraftigaste nokon gong og gjorde store skader også i Sunnylven.

10 år etter presenterer hellesylt.info nokre bilete frå øydeleggingane etter orkanen Dagmar som kom innover området kvelden 1. juledag 2011. Mykje skog, ein campingplass og Hellesylt stadion vart totalt ramponert i det kraftige uveret. Veger var lite framkomeleg det fyrste uversdøgnet, sjølvsagt vart det straumlaust og telefonen var borte. Heldigvis gjekk det bra med folk og dyr. men også mange byggningar fekk betydelege skader. For fleire personar vart det kalde og strevsame døgn, men det gjekk bra sjølv om det vart med nokre skrubbsår og eit eit beinbrot etter uhell på eit tak.