Sunnylven IL ski -og skiskyttargruppe gjenomførte KM i skiskyting laurdag og søndag for deltakarar frå Nordfjord og Sunnmøre. Også arrangørklubben fekk KM-vinnarar begge dagar.

Alle foto: Fivelstad / Stadheim

Sjølv om vermeldinga ikkje var den beste for helga vart meisterskapen i skiskyting gjennomført under brukbare og like forhold for deltakarane. Laurdag stilte vel 50 til start medan det søndag var litt ferre.

Hos arrangøren var det ni løparar som fullførte fyrste dag og seks på søndag. Elles kom deltakarane frå Markane IL; Hardbagg IL, Stårheim IL og Volda turn & IL.

Dobbel krinsmeister

Det vart delt ut KM-medaljer i klassane frå og med 13 år til senior:
Sunnylven IL fekk to doble KM-vinnarar. I M 17 gjekk Elias Helset til topps etter god skyting spesielt under sprinten laurdag. Her vart det berre tillegg for ein bom. På sprint fellesstart søndag var det fire skytingar og her vart det totalt åtte bom, fire på siste skyting, men det heldt til andre KM-tittel for Elias denne helga.

Også Oskar Ringdal i G 13 vart dobbel KM-vinnar. Litt mange bom og tillegg denne gongen, men han kompenserer mykje med stor fart i løypa.

Andre frå arrangørklubben

I J13 vart det sølv på Ingeborg Fivelstad Stadheim på laurdag, og bronse til Marta Friestad både på laurdag og søndag.

Johannes Friestad gjekk inn til sølv på laurdag og bronse på søndag i G 15, og i J 15 vart det sølvmedalje til Tonje Støverstein på sprint laurdag.

Andre deltakarar frå Sunnylven var Fredrik Fivelstad Stadheim i G 10, Emma Korsbrekke i J 10, Therese Støverstein og Tuva Marie Korsbrekke i J 11. Alle med gode langrenn og skyteresultat.

Mange funksjonærar

Arrangøren hadde eit stort apparat og mange hjelparar for å få meisterskapen i hamn der det vart lagt ned mykje arbeid i prepping av løypene, Heile 40 personar gjorde jobbar som parkeringsvakter, på standplass, løypevakter, som startarar og tidtakarar, i sekreteriatet og andre gjeremål.

Gjennom hellesylt.info rettar styret i skiskyttargruppa stor takk til alle funksjonærar som hjelpte til med å arrangere renna i Hyttehola i helga.

Resultat laurdag:

[pdf-embedder url=»https://www.hellesylt.info/wp-content/uploads/2022/02/Offisielle-Resultater-KM-Skiskyting-Hyttehola-05.02.2022-1.pdf» title=»Offisielle Resultater KM Skiskyting Hyttehola 05.02.2022 (1)»]

Resultat søndag:

[pdf-embedder url=»https://www.hellesylt.info/wp-content/uploads/2022/02/Resultatliste-KM-Skiskyting-Fellesstart-Hyttehola-06.02.2022.pdf» title=»Resultatliste KM Skiskyting Fellesstart Hyttehola 06.02.2022″]