Som tidlegare år står Hellesylt Vel bak jonsokfeiringa på badestranda på Hellesylt. Feiringa torsdag startar klokka 18.00.

Også i år blir det leikar både for born og vaksne og grilling på badestranda på Hellesylt torsdag kveld. Dit inviterer Hellesylt Vel til sankthansfeiring, slik tradisjonen er.

I ei melding frå laget står det at det blir høve til grilling, men alle må ta med eigen grillmat. Kaffi og kaker får ein kjøpe.

Om der er bål under feiringa på badestranda står det ingen ting om i meldinga. Men når yr lova 20 plussgrader ut over kvelden med lite vind treng ein i alle høve ikkje bål å varme seg på. Kanskje blir det sjøbad for enkelte.