Etter to års pause grunna korona-pandemi vart det etter kvart tradisjonsrike Hellesyltløpet arrangert laurdag 9. juli. For seniorklassene vart årets løp utkjempa i ny løypetrase.

Vilja Fuglem, Valldal IL og Oskar Ringdal, Sunnylven IL vann jente og guteklassa, og mellom damer og herrer var Elida Fuglem, Valldal IL, og Hans Kristian Stadheim, Sunnylven IL best i det 33. Hellesyltløpet.

Hans Kristian Stadheim blir vinnar av herreklassa i Hellesyltløpet 2022 framfor Kristian Nedregård.

Litt skuffande for arrangøren at berre 37 løparar totalt kom til start, men veret og kanskje resultat av to år med få konkurransar får ta litt av skulda.

Hellesyltløpet vart sist gong arrangert i 2019. Då gjekk løpet i den lange løypa om Stadheim, men i år var det hindringar i traseen grunna jordbruksdrift. Difor vart det ny trase gjennom Hellesylt sentrum til Høge bru og tilbake til stadion.

Det var ei flott løype med ein god del publikum som heia, sa veteran i Hellesyltløpet Odd Arild Dale, Førde IL. Han ville trene godt og stille til start også neste år om han fekk løpe same løypa.

Leiar i arrangørlaget Sunnylven IL trim/friidrett, Per Svein Hole var nøgd med gjennomføringa. Han hadde sin faste funksjonærstab på plass, både ved start og ute i løypene som vakter. Det var eit mannskap som visste kva dei skulle gjere, sa han.
Hole takka også sponsorane av løpet, Stranda Energi, Ole Ringdal A/S, og Sparebanken Møre som gjorde det mogleg å premiere alle deltakarar med flotte t-skjorte.

Resultatliste Hellesyltløpet 2022.

Gutar:

Jenter:

Herre:

Damer: