Sunnylven sanitetslag flytta frå området ved skulen til Sunnylven kyrkjelydshus med kafé og tombola. Der vart det fullt hus i tre timar.

Det brukar ikkje vere dårleg ver den helga Sommardagar på Hellesylt blir arrangert. Laurdag i år vart eit unntak med regn og lave temperaturar. Då var det lunt og koseleg å kome inn i Sunnylven kyrkjelydshus til gode kaker , kaffi og lotteri, tykte mange.

-Her har vore fullt kring alle bord frå vi opna til vi slutta. Eg trur folk kosa seg og dei kjøpte både frå kakebordet og av snurrelodda våre. Mange synest det er så kjekt at vi held på den gamle tradisjonen med snurrelodd, fortel leiar i sanitetslaget, Hilde Langlo Brekke.

Sanitetsdamene var fornøgde med dagen og inntekta som går til nyttige og helsefremjande formål i bygda. Sanitetslaget sin kafé laurdag var arrangement i staden for det årlege loppemarkedet.
Laget hadde kafé berre på laurdag 9. juli.