Cruisebåten AIDAPRIMA var innom Hellesylt cruisekai tysdag 20. september og sette i land cruiseturistar. Framleis står to besøk igjen denne sesongen, fyrst 04. oktober og så to veker seinare.

Den 300 meter lange cruisebåten har lagt til på Hellesylt seks gonger så langt i år, og det blir to til før «eventyrreisa» inn Sunnylvsfjorden og Geirangerfjorden er slutt for denne sesongen.
I dag gjekk fleire i land på Hellesylt, nokre for å ta bussturen «over land» til Geiranger og ombordstigning der seinare, og fleire ti-talls passasjerar gjorde seg klare for å sykle Sunnylvsbygda til Vollset og Flofjellvegen opp og ned i haustsola. Lange rekker av syklistar har blitt eit vanleg syn og har tydeleg vis blitt ei svært populær utflukt frå fleire av cruisebåtane som legg til på Hellesylt.

No går cruisesesongen mot slutten for i år. Siste båt til Hellesylt er AIDAPRIMA 18. oktober, og til Geiranger blir sesongen avslutta med AMADEA 22. oktober.