Snøen har vist seg i fjella, men framleis rullar fotballen på Hellesylt stadion. I kveld måndag 17. november blir det spela to kampar.

I G10 blir det kamp mellom Sunnylven og Hasundgot kvit. Dette er siste kampen for i år for G10-laget som har like mange jenter som gutar. Det har blitt spela mange spanande kampar og skåra mange mål, til glede for dei som har møtt fram på kampane.

Ein flott sesong har også J13-laget levert. I kveld spelar laget siste heimekamp denne sesongen mot Gurskøy. Her ønskjer nok dei raude og blå å rette opp for stortapet mot Aksla/Guard i siste kamp.

Sunnylven J13 ligg på 7. plass på tabellen med 6. poeng, Gurskøy har 4. poeng i haustsesongen.
25. oktober spelar jentelaget siste kamp i år borte mot Hasundgot.

Fotballsesongen blir endeleg avslutta med premiefest og bingo på Sunnylven samfunnshus søndag 6. november.