På Hellesylt blir det både tombola og julebord laurdag 3. desember. Gamleskulen har sitt faste førjulsarrangement, og Hægstad Gård/Geiranger Bakeri har påmelding til julebord.

Juletreet ved Gamleskulen på Hellesylt er på plass, og laurdag 3. desember inviterer styret på kaker, kaffi, saft og utlodding med snurrelodd. Arrangementet opnar klokka 12.00 og varer i tre timar til klokka 15.00.

Ekstra triveleg under førjulstreffet er det at Bjarne Sjåstad kjem og spelar juletonar på trøorgelet i den gamle skulestova. Det skjer rundt klokka 13.00.
Så møt fram og syng med på kjente og kjære julesongar.

Også Sunnylven bibliotek har tombola laurdag 3. desember med mange fine gevinstar. I tillegg til 700 snurrelodd sel dei kaffi og pepperkake. Tombolaen til biblioteket, som varer frå kl. 11.00 til 15.00 held til på gata ved butikk i Hellesylt sentrum.

Påmelding til julebord

Kunstsenteret Hægstad Gård har ope fleire dagar i veka og er pynta til jul.
Laurdag 3. desember inviterer leiinga ved Hægstad Gård/Geiranger Bakeri på julebord og det beste av julemat, og i tillegg buffét med dessertbord.
Julebord laurdag frå klokka 19.30, pris pr. person kr. 625.-

Påmelding til; Ellen; e-post ellen.taraldset@hotmail.com mob. 406 10 440
Anders: e-post anders@geirangerbakeri.no mob. 988 10 551