Innslaga under programmet på «Sjøarane» sin grendakveld laurdag var mange og gode. Ein av aktørane som vi tykte imponerte var Magne Brekke.

«Ingen køyrer ombord i ferja før eg seier ifrå!; Køyr om bord i ferja!»
Det var beskjeden som karen frå HT Bygg gav i starten av innslaget. Så bar det laust med musikk og dans frå arkitekten.

Magne kan meir enn å teikne hus, for på scena under «Sjøarane» sin grendakveld var han med på fleire innslag, han dansa til musikk i rolla som ein slags trafikkdirigent for ferjetrafikken på Hellesylt, og han var innom det automatiske legekontoret på Hellesylt for sjekking av diverse!
Strålande levert i fleire gode innslag under Grendakvelden på Hellesylt 1. april.