Tysdag 4. april er det premiefest for Sunnylvscup på ski, både for 2022 og 2023- sesongen. I tillegg blir det bingo og sal av forfriskningar.

Grunna korona-pandemi vart det ikkje premiefest for Sunnylvscup på ski i 2022. Men under årets arrangement vil Magnar Tufte Tyssen og Linn Kammen dele ut premiar til dei mange spreke cup-deltakarane på Sunnylven samfunnshus, både for skicupen i fjor og i år. Det er rundt 60 for begge årsklassene som får premie, fortel medhjelpar i arrangementet Gisle Aaland.

Skigruppa håper på godt frammøte og presis klokka 19.00 rullar kulene i gong for dei tre fyrste bingospela. Deretter blir det pause med sal av forfriskningar frå kiosken, kaffi, kaker og pølse med brød, og så blir det premieutseling for alle deltakarar som har gått minst tre av renna i Sunnylvscup på ski.
Skibingoen blir avslutta med dei tre siste bingospela, og ekstraspel til slutt.
Merk tida: Bingoen 4. april på Sunnylven samfunnshus startar klokka 19.00