Vellukka familedag for 4H.

Sola skein og det vart ein super dag når Fjellrosa 4H inviterte til familiedag på Sunnylvsbygda grendahus laurdag 22. april. Klubben hadde lagt opp til aktivitetar både ute og inne som born og vaksne kunne gå mellom.

Nytt for året var smoothie-sykkel. Her kunne borna lage sin eigen smoothie på ein sykkel. Dette var ein svært populær post.

Ute kunne ein mellom anna vere med på aktivitet med gel-blaster, stige-golf og hesteskokasting.

Innendørs vart det arrangert biljardturnerning og ein kunne spele bordtennis, airhockey eller vanlege brettspel.

4H serverte pølser med brød til alle som ville ha. Dette var eit gratisarrangement som var sponsa av Gjensidigestiftelsen.