Like over nyttår startar Norwegian Hydrogen produksjon av grøn hydrogen på Hellesylt. Anlegget på Øyrane er snart ferdig utbygd.

Det var tidlegare i år at Norwegian Hydrogen starta utbygging av anlegg for produksjon av hydrogen på Hellesylt, det fyrste i landet. Før jul blir det meste av byggearbeidet ferdig, og neste år i 2024 vil produksjon av hydrogen starte opp for fullt.
Det seier prosjektleiar Andras Wenaas Østigard. Han var innom anlegget på Hellesylt denne veka og såg at alt var i rute.

Anlegget på Øyrane blir Norges fyrste hydrogenfabrikk utbygd på eit vel 5.0 da. stort område.
-Her er det meste av utbygginga ferdig, men vi ventar på noko utstyr frå Tyskland. Difor blir det ikkje produksjon ved anlegget i år, men den opnar opp like over nyttår, seier Østigard.
I det siste har mykje av anleggsområdet blitt asfaltert og resten blir ferdig før jul.

-Eg gler meg veldig til å kome i gong med produksjonen. Det er gjort avtale med ein del kjøparar av grøn hydrogen alt, og vi håpar sjølvsagt at salet vil auke på etter kvart, seier Andreas Wenaas Østigard.