Sunnylven Bygdekvinnelag har sett opp litt av aktiviteten sin for våren 2024. Det blir både utstilling, feiring av kvinnedag og hagebrukskveld med Maria Berg Hestad.

Sunnylven Bygdekvinnelag si utstilling «Kafe Snurrepiperier» blir i år på Sunnylven samfunnshus laurdag 17. februar frå klokka 12.00 til klokka 15.00. Laget inviterer alle som har vevde tekstiler og utstyr til veving til å delta og stille ut, slik at mange kan få sjå kva som finst av slike ting  i bygda.

Vevde tekstiler og utstyr til veving kan leverast på Sunnylven samfunnshus fredag 16. februar mellom kl. 16.00 – 18.00, eller til damer i Bygdekvinnelaget, Grete Bjørdal, Gunhild Kvam, Lisbeth Lervik, Inghild Storstein eller Astrid Tronstad,
Tekstilane kan hentast tilbake etter utstillinga, eller før klokka 16.00 utstillingsdagen laurdag 17. februar.

Kvinnedagen 8. mars.

Også i år inviterer Sunnylven Bygdekvinnelag til markering og feiring av kvinnedagen 8. mars. Samkoma vil finne stad på Sunnylven kyrkjelydshus fredag 8. mars, og her blir det servert internasjonal mat og diverse anna program.
Golala Razai kom frå Iran til Norge for seks år sidan. Ho jobbar som kantineansvarleg ved Stranda vgs, og har deltidsjobb ved Coop Hellesylt. Under møtet vil ho fortelje om kvinner sin situasjon i Iran og om det å kome som flyktning til Stranda og Norge.
Iris Fivelstad har lang karriere i forsvaret,. Under møtet 8. mars vil ho snakke om sine erfaringar og sine val, og i kva grad det er trygt å sende døtre i miltitærteneste.

Hagebrukskveld.

Frå Molde kjem Maria Berg Hestad og deltek på hagebrukskveld i Sunnylven Bygdekvinnelag torsdag 18. april. På Sunnylven samfunnshus vil ho gje gode råd og informere om «Matauk med pallekarm».
-Vi ynskjer både medlemer og ikkje medlemer hjarteleg velkomne til denne hagekvelden, skriv leiar i Sunnylven Bygdekvinnelag Gunhild Kvam.