Sist søndag arrangerte Aalesund skyttarlag samlagsstemne i feltskyting for Sunnmør Skyttarsamlag. Praktfullt vær, flotte forhold og knappast eit vindpust i Olsvika.

Av Ola Vangen

Med slike forhold var det verkeleg lagt til rette for god skyting, god deltaking og med over 80 skyttarar!
Kjell Oddvar Frøysa var mest treffsikker på grovfelten og blei samlagsmeister i klasse 2-5+V55+EJ! Med det held Sunnylven fortsatt samlagsmeisteren i feltskyting etter at Ivar Fivelstad vant i både 2022 og 2023!

Men Kjell Oddvar var ikkje einaste skyttar frå Sunnylven som traff blink. På 2.plass kom Kristian André Frøysadal Hauge. Deretter finn vi Ørjan Frøysadal Hauge på ein imponerande 3.plass, etter omskyting mot rutinerte Karl-Tore Gjengstø frå Aalesund. Med andre ord TRIPPEL Sunnylven på pallen i grovfeltmeisterskapet

Vidare har vi:

7.plass – Ivar Fivelstad

8.plass – Isak Elias Frøysadal Hauge

11.plass – Dag André Hauge

14.plass – Ola Vangen

I tillegg til å bli nr. 3 i seniorklassa, klarte Ørjan også å vinne ungdomsklassa Eldre Junior.
Vi fekk og ein pallplass i klasse 1. Kirsti Frøysadal Hauge kjempa seg inn til ein flott 2.plass, berre eit fattig innertreff bak vinnaren.

Sunnylven hadde også med tre ungdommar som skaut finfelt.
Kai Adam Røyrhus vann klasse rekrutt som einaste skyttar i si klasse med fullt hus, 42-treff!
Siv-Anita var også treffsikkert i dag i klasse eldre rekrutt, og vann klassa med knappast mogleg margin -> berre eit innartreff meir enn 2.plassen.
Sina Helen deltok også i klasse eldre rekrutt. Dessverre fekk ho problemer med våpenet som gjorde at ho braut før skytinga var ferdig.

I tillegg til individuelle prestasjonar, var der også lagskyting. Her klarte Sunnylven å stille eit seniorlag som kom på 2.plass, berre eit fattig poeng bak Aalesund.
Alt i alt ein meget god dag for Sunnylven skyttarlag.

_____________________________