To på sju toppar.
I havgapet på Sandsøy i Sande var det klart for fjelløpet Sjutoppsturen. På start var det to deltakarar frå Sunnylven IL.
Tekst og bilder: Eivind Louis Helset.
Lokale deltakarar
Oskar Ringdal deltok i klasse M13-17, saman med tre andre løparar.
Magnar Tufte Tyssen stilte til start i klasse M25-39 der det totalt var 21 løparar til start.
To tiår
Sjutoppsturen var fyrste gang arrangert i 2005. Arrangøren Sandsøy IL kunne i år ønske velkommen til over 400 deltakarar fordelt på mosjonsklasse og konkurranseklasse. 14 løparar sprang også i Em-kvalifiseringsgruppa som sprang løypa 3 ganger.
Løypa strakk seg over 15 km og tusen høgdemeter opp og ned. Høgaste punkt var på Rinden med sine 369 m.o.h.
Debutant på startstreken.
Dette var Oskar sitt fyrste fjelløp og han klokka inn på under tre timar. Tida i mål var 2:53:24.
– Eg er fornøgd med løpet, seier Oskar.
Kanskje var han mest sliten når han på spørsmålet skal du prøve igjen, svarer;
– Det er eg ikkje sikker på.
Magnar kom i mål til sølvplass i si klasse. Han var litt over fem minutt etter vinnaren i M25-39.
Med tida 2:02:6 var han 12 minutt etter totalsiger. Magnar enda på sjetteplass totalt.
