I Lensmannsstova på Lillebø blir det fredag 13. september både musikalske innslag, og kåseri om bygdebokforfattaren, no avlidne Peter Andreas Lillebø.

Under Sommardagar på Hellesylt i juli kåserte Asbjørn Tryggestad om bygdebokforfattar, skulemeister og fjellførar Peter Andreas Lillebø. Saman med seg då hadde han Askjell Molvær som framførte musikk både på piano og blåseinstrument.

No kjem dei begge til Lensmannsstova på Lillebø der det blir meir om P.A. Lillebø, og med innslag av norsk folkemusikk.

Tryggestad har sett saman eit timelangt foredrag om den avlidne bygdebokforfattaren som budde i same grenda i Langedalen som Tryggestad sjølv kjem frå.
Samlinga i Lensmannsstova er fredag 13. september klokka 19.00.

Meld deg på til arrangementet på tlf. 909 51 185.
Det blir sal av kaffi og svele.