Det vart trimtur til Shellkaia med sanitetslaget også i fjor.

Hilde Langlo Brekke held fram som leiar i Sunnylven sanitetslag. Også resten av styret tok attval då laget hadde sitt årsmøte tysdag 26. februar.

Synnylven sanitetslag har hatt eit nytt, aktivt år i 2024. Det går fram av årsmeldinga til laget som vart samrøystes godkjent på årsmøtet tysdag 26. februar.
Her blir det fortalt om temakveldar og arrangement både for unge og eldre, som kveld kalla «Kvinnehjerte » på Kyrkjelydshuset, det har bltt signert avtale med Stranda kommune omkring omsorgsberedskap, og det vart arrangert Laurdagskafe der overskotet gjekk til Barnekreftforeninga.

Hausten kom og dermed også fleire strikkekveldar og gjenstandar til premature born ved sjukehus. Strikkinga held fram også året etter.
Ut på hausten vart det Kløvertur til Shellkaia med servering på Kyrkjelydshuset etterpå, og til omsorgssenteret vart det kjøpt og levert ei fruktkorg til kvart etasje som bebuarane kunne kose seg med.
Sunnylven sanitetslag var også med og pakka gåver og juleglede på Frivilligsentralen til trengande familiar i Stranda.

Ut på hausten la laget til rette slik at Line Dybedal kunne framføre si teaterframsyning på Sunnylven skule. Laget søkte og fekk middlar av Sparebanken Møre til dekning av kostnadane til forestillinga som var  for elevar ved skulen og barnehagen. Ei flott forestilling med song og dramatisering, og som hadde ein lukkeleg slutt.

Sunnylven sanitetslag er også ein fast deltakar når skulen har juleverkstad, og slik var det også i 2024.
På omsorgssenteret var det adventsstund før jul, ei triveleg stund som vart avslutta med allsong,-
les vi mellom anna i ei god og fyldig årsmelding frå Sunnylven sanitetslag

Val

Desse er med i styret for Sunnylven sanitetslag for 2025:
Leiar: Hilde Langlo Brekke
Nestleiar: Ruth Hole Aaland
Kasserar: Nina Øye Hole
Sekretær: Birgitte Rørhuus-Øie
Styremedlen: Ann Janne Hole

Vararepresentantar:
1. Kari Hauso Stadheim (møter fast)
2. Anne Marie Ljøen
3. Laila Røyrhus

Valnemnd:
1. Britt Hauge
2. Solfrid Onsøien Lien
3. Elise Rørhuus-Øie

Sunnylven sanitetslag har 61 medlemmer ved utgangen av 2024.