Olav Erling Aaland mot mål og sluttid 2. 56.47 i Birken 2025. (Foto: Privat)

Birkebeinerrennet, 54 km. langt frå Rena til Lillehammer vart arrangert laurdag 15. mars. Frå Sunnylven IL deltok Olav Erling Aaland.

For 85. gong vart Birkebeinerrennet arrangert laurdag 15. mars, og her deltok Olav Erling Aaland frå Sunnylven IL. Han har delteke fleire gonger i det 54. km. lange turrennet, og laurdag gjekk han i mål til 26. plass i klasse menn 30 – 34 år. Tida var 2.56.47.

Veret var bra under løpet som går i klassisk. Olav Erling staka heile vegen. Det vart ei sterk sluttid som også heldt godt til kravet for Birkebeinermerket.

Aaland var einaste deltakar frå Sunnylven IL så langt vi kjenner til. Tidlegare har fleire frå klubben gått Birken mellom Rena og Lillehammer. Flest startar har Paul Tronstad med 24 løp, og Hans Kristian Stadheim med 13. Hans Kristian har bestetid på 2.47.24.