Hornindal songlag og musikarar blir å høyre på Hellesylt søndag 30. mars. (Foto: Tilsendt)

Hornindal songlag kjem til Hellesylt 30. mars. På Sunnylven samfunnshus blir det eldre Grand Prix-låtar frå kor og musikarar frå nabobygda.

Frå Anne Birthe Straumsheim Hofseth i Hornindal songlag har vi motteke denne informasjonen om konsert på samfunnshuset søndag 30. mars.

-Hornindal songlag med band held konsert på Sunnylven samfunnshus søndag 30. mars klokka 17.00.
Tema for konserten er norske Grand Prix -melodiar, frå Voi Voi til Farytale!
Det flotte husbandet vårt spelar til alle låtane og vi har også med fiolinist på Nocturne og Farytale.
Og La det swinge er sjølvsagt også på programmet, vår aller første vinnarlåt!
I tillegg har vi også låtar som fekk null poeng, som til dømes Mil etter mil.

Etter konserten håper vi at mange vil bli igjen og besøke kafeen vår. Vi sel påsmurt og heimelaga kaker, kaffi, te og brus!
Vi gler oss veldig til å besøke nabobygda, og håper på fullt hus!
Det kostar 250.- kroner for vaksne, og 100.- kroner for born.
Vel møtt!-

Dette skriv Anne Birthe Straumsheim Hofseth på e-post til hellesylt.info. Kom og bli med på Grand Prix -konsert på Hellesylt med Hornindal songlag.