MSC Euribia er av dei største cruisebåtane som legg til kai på Hellesylt.

MSC Euribia med rundt 6000 passasjerar var fyrste cruisebåt til Hellesylt i år. Og turistar fylte både sentrum og vegar kring.

MSC Euribia la til kai på Hellesylt rundt klokka 09.00 tysdag. Båten som er 343 meter lang er av dei største som besøker Hellesylt.
Om bord var det fullt av engelske, tyske og franske turistar som fylte opp i Hellesylt sentrum og området kring. Båten har kring 6000 passasjerar, eller rundt ti gonger fleire enn fastbuande i Sunnylven, så det var trangt på Hellesylt bro og på vegar elles når mange tok turen på land i fint mai-ver.

MSC Euribia, som vart døypt i København i 2023, kjem tilbake til Hellesylt to gonger til i mai, den 13 og den 20.