Det blir laksefiske i Korsbrekkeelva i år. Fisket vil starte 1. juni og varer til 31. august.

I fjor var Korsbrekkeelva stengd i nokre veker for laksefiske. Denne sesongen blir det ei endring, for 1. juni kan sportsfiskarar igjen prøve seg etter laks og pjekk i den gode og mykje omtala lakseelva.
Det bekreftar Glenn Stadheim.

I år blir det montert teljeapparat i fyrste laksetrappa for å følge med kor mange laks som går vidare opp frå Steimshølen, fortel Glenn. Fredag var han og andre elveeigarar ved Steimshølen der teljeapparatet blei plassert.

Saman med Arnfinn Kristensen frå teknisk avdeling for installasjon og overvaking av laks, og Bernt Are Lervåg frå Tafjord Kraftproduksjon var Glenn Stadheim og andre elveeigarar og sportsfiskarar i elva for å sjå og lære korleis teljeapparatet verkar. Apparatet som blir rigga opp i fyrste laksetrappa vil gje oversikt over store og små fisk som passerer, før dei kan gå vidare i to laksetrapper til, heilt til gardsvegen til Stadheim.

Laksefisket i Korsbrekkeelva startar søndag 1. juni. I løpet av laksesesongen kan alle som har fiskedagar ta på land inntil to fisk kvart døger. Dette er ei god endring frå i fjor då elva var stengd det meste av sesongen. No ser sportsfiskarar framover og håper på ein bra sesong i Korsbrekkeelva.

Tafjord Kraftproduksjon, som har kraftstasjon i elva lenger oppe i Steimsåsane er også interessert i at elva framleis er ei god lakseelv.
Fredag var Bernt Are Lervåg til stades frå kraftselskapet. På nettside til Korsbrekkelva skriv kraftselskapet at dei har ei bevisst satsing på berekraft og er opptekna av å redusere miljøavtrykket.
Som eit ledd i dette var det naturleg å gå inn i stiftinga Anadrom for å betre villaksen sine levekår og auka beskatning, skriv dei.