Måndag inviterer Sunnylven pensjonistlag til jonsoktreff på Kyrkjelydshuset. Kanskje blir det jonsokbål på badestranda også.

Tradisjonen tru inviterer Sunnylven pensjonistlag til jonsoktreff måndag 23. juni. Samlinga blir på Sunnylven kyrkjelydshus.

Det var planen å ha jonsoktreffet i hagen ved paviljongen ved Sunnylven omsorgssenter måndag. Men usikkert ver gjer at pensjonistlaget vel å legge samlinga til Kyrkjelydshuset i staden.

Der blir det både servering av rjomegraut, spekemat, og kaffi og kaker. Prisen er sett til kr. 100.-
Og det blir meir enn god servering. Frå programmet les vi Ord for dagen ved Inghild Storstein, det blir musikalske innslag av unge Ane Brenne Ringdal, og det blir allsong og tombola.

Arrangementet er ope for alle, også ikkje-medlemer i pensjonistlaget.
Det heile startar klokka 15.00 står å lese i innbydinga frå Sunnylven pensjonistlag.