Hans Kristian Stadheim sprang inn til tredje plass då Hornindalsvatnet maraton 10 km. vart arrangert laurdag. Vinnar vart 17 år gamle Mats Daviknes-Andreassen.

På Hornindal stadion var det rundt 20 pluss og fine forhold då Hornindal Maraton vart arrangert laurdag med over hundre løparar på ulike distansar.

Mot mål for vinnaren Mats Daviknes-Andreassen

Stor var klassa på distansen over 10.0 km. med vel 40 i alder frå 17 år til godt over 80. Best av alle var unge Mats Daviknes-Andreassen, Nittedal IL. Han kom i mål på den gode tida 34.30. Like bak og med ein god siste runde kom Vegard Skrede (23-34) på tida 34.50.

På tredje plass kom Hans Kristian Stadheim, Sunnylven IL sin einaste deltakar (34-39) og med sluttid 36.13.
Så følgde Robin Jørgensen, Velledalen IL, 38.00,
Eirik Stensaker Tvinnerein, Hopland 38.11,
Eirik Bøe, Markane IL 38.39,
Og på 7. plass Josefine Johansson, Eskilstuna friidrott, 39.01.

Josefine Johansson mot mål som beste løpar i damelassa.