I løypene på Skaret, Molde vart det laurdag 20. september arrangert NM i rulleskiskyting. Dagen etter på søndag var det fellesstart.

Alle foto: Jørgen Helset.

Sunnylven stilte med tre løparar i NM rulleskiskyting på Skaret, Molde laurdag. Alle gjorde svært gode konkurransar i den skarpe konkurransen, og aller best gjekk det for Elias Helset i M 20-21. Han kom på 14. plass i klassa mellom 36 som fullførte på 10.0 km. Sluttida var 29.36.2, eller 2.11.7 bak vinnaren Leo Skjellaug Gundersen, Geilo IL.

På resultatlista i klasse M18 finn vi Trym Helset på 20. plass og sluttid 23.46.2. Distansen her var 7.5 km.
Same distanse gjekk Oskar Ringdal i M17. Han vart nr. 26. og fekk sluttid 27.50.6

Fellesstart på søndag.

På søndag var det fellesstart på Skaret: Her vart det 13. plass til Elias Helset i klasse 20/21, 2.38.6 etter Henrik Omland, Nittedal/Team Fossum.
Trym Helset vart nr. 26. i klasse M18 der Abe Tronerud Kvelvane frå Voss vann.
Og i klasse M17 kom Oskar Ringdal på 29. plass, der Kristoffer Schei, Trondhjem skiskyttere var best.