Søndag er det hausttakkefest i Sunnylven kyrkje. Her kan du lese det vi har fått oss tilsendt om takkefesten, både i kyrkja og etterpå i kyrkjelydshuset.

– Hausttakkefest i Sunnylven kyrkje – ei feiring for heile bygda!
Søndag 28. september kl. 11.00
Velkomen til ei kjekk gudsteneste der vi saman får takke for hausten, livet og fellesskapet!
Denne dagen samlar vi oss i Sunnylven kyrkje til hausttakkefest, og det blir ei fin stund med dåp av to barn, bokutdeling til 4- og 6-åringar, og ei kyrkje som strålar i haustens fargar og gåver frå naturen.

Sunnylven bygdekvinnelag har som alltid pynta kyrkja med markens grøde – eit syn som gledar oss.
Barna er spesielt inviterte til å ta med seg korger med frukt og grønt, og gå i prosesjon i starten av gudstenesta. Dette er ei vakker og livleg markering av hausten, der barna får vere med og bidra med det dei har med seg.

Gudstenesta blir ei høgtid med rom for undring, takk og glede – og ei påminning om alt vi har å vere takksame for.
Etterpå held vi fram feiringa på kyrkjelydshuset, der det blir servert varm haustsuppe, kaffi og kaker.
For barna blir det leikar og aktivitetar, og god tid til å vere saman og ha det kjekt.
Dette er ein dag for heile familien, for bygda og for alle som vil kjenne på fellesskap og takknemlegheit.

Ta med deg ein ven, ein nabo, barnebarn eller bestemor – og bli med på ei rik og rørande feiring av hausten og livet!
Velkomen til Sunnylven kyrkje – velkomen til fellesskap og fest! –