Sunnylven Pensjonistlag har sendt ut programmet for hausten 2025. Det blir feiring av eldredag, medlemsmøte med loppedisk, og konsert på samfunnshuset med Fossedur og gjester.

Søndag 5. oktober
Feiring av eldredagen på Kyrkjelydshuset kl. 15.00 Vi feirar eldredagen med dette programmet:
– Servering av årets fårikål med dessert og kaffi.
– Asbjørn Tryggestad kåserer om diktaren Ivar Ringdal (1915-1983) og Askjell Molvær spelar piano.
– Tombola.
Pris kr 200.
Påmelding innan måndag 29. september til Astrid tlf. 906 75 234 eller Odd Jostein tlf. 957 52 330.

Laurdag 11. oktober
Ope arrangement på Kyrkjelydshuset kl. 12.00 – 16.00
– Gratis servering av kaffi, sveler og vaflar med godt tilbehør.
– Ulike kulturelle innslag i løpet av dagen.
– Spennande loppedisk.
Pensjonistlaget har fått ein del lopper/brukte ting som det er mogleg å kjøpe til ein god pris.
– Orientering om Pensjonistforbundet og arbeidet i Sunnylven Pensjonistlag.
Arrangementet er ope for alle pensjonistar/60 år+, ikkje-medlemmer er også velkomne!

Søndag 2. november
Konsert med Fossedur på samfunnshuset kl. 15.00
Konsert med Fossedur, Olav Elling Gausdal, Bjarne Sjåstad og Jostein Ringdal som har med seg gjesteartistane Leiv Prestvik, kjend frå Vømmøl, og Britt Elise Skram.
Sal av kaffi og kaker.
Billettar kr 200 ved inngangen.

Tur sist i november!
-Vi arrangerer tur til Charlottenberg 24.-26. november og julebord 6. desember. Desse arrangementa kjem vi tilbake til,
skriv Sunnylven Pensjonistlag til slutt i oversikta for haustprogrammet.