Bjarne Sjåstad har fast plass ved orgelet i Gamleskulen under julesamlingar.

På laurdag 20. desember blir det ope hus med utlodding, servering og julesongar på Gamleskulen på Hellesylt.

Som tidlegare år blir det juleope i den gamle skulestova på Hellesylt laurdag 20. desember mellom klokka 12.00 og 15.00. Der blir det godt og varmt frå vedovnen og masse godt prat, og det blir loddsal på mange fine gjenstandar.
I tillegg har styret for Gamleskulen sal av både kaffi og kaker, og som vanleg blir det juletonar på orgelet der alle kan synge med. Det skjer ca. klokka 13.00, eller når det høver for Bjarne, den faste organisten ved desse høva.

Legg turen innom Gamleskulen på laurdag før jul, det set leiinga for den gamle, flotte skulestova pris på, til tre hyggelege førjulstimar med enkel servering, song og musikk.