Om vel ei veke, 15. februar er det fastelavnssøndag, ein dag som blir pynta med bjørkeris frå Sunnylven sanitetslag.

Det er tradisjon med sal av fastelavnsris frå sanitetsdamene i Sunnylven.
I 80 år har Norske kvinners sanitetsforening seld fastelavnsris, og laget i Sunnylven har delteke i salet jamt og trutt.

Også i år kjem elevar frå Sunnylven skule rundt med pynta bjørkeris til alle som vil kjøpe, seier leiar i sanitetslaget Hilde Langlo Brekke.  Prisen i år er kr. 150.-, der seljarane frå skuleklassa får ein god sum av beløpet til klassetur.
-Vi får hjelp av elevar i åttande klasse ved skulen til å gå rundt og selge ris, og vi håper at mange kjøper og støttar oss også i år. Ris som vi løyver blir sett fram for sal på Laurdagskafeen til sanitetslaget som blir på samfunnshuset 14. februar. Der blir det i tillegg sal av kaffi, kaker og snurrelodd-, fortel Hilde.

Rundt 120 fastelavnsris vart pynta med fargeglade fjør og klargjort tysdag i veke seks. I kjellaren på omsorgssenteret på Hellesylt var det fyrst «Sterk og stødig»-samling, og deretter jobba mange sanitetsdamer med å pynte risa med fjør i alle fargar. I alt 120 fastelavnsris vart klargjorde for sal i «bygd og by» i Sunnylven i dagane fram mot fastelavnssøndag 15. februar.