Gamleskulen på Hellesylt var stadig open i fjor, som under både Sommardagane og julesamlingar.

Måndag 23. mars var det årsmøte i Gamleskulen Aktivitetsmuseum. Både årsmelding og rekneskap vart samrøystes godkjent, i styret kom nye inn.

Det var ei lang og fyldig årsmelding leiar Arne Ringdal viste til av aktivitet for Gamleskulen på Hellesylt det siste året. I den gamle skulestova hadde det vore mange tilstelningar, to dagar under Hellesyltdagane, arrangement saman med Stranda mållag, jule -og nyttårstilstelning, og skulebesøk for å nemne noko av det som skjedde.
Foreninga prøvde også å halde uteområdet i hevd ved å setje ut benkar, og stelle og plante rundt den gamle  skulestova. Til jul vart det sett opp juletre ute og pynta i vindauga.
Kommunen har slege plenen heile sommaren, står å lese i årsmeldinga.

Styret i Gamleskulen er inn til vidare også styre for Venneforeninga Hellesylt Bygdetun. Stranda kommune har teke opp att arbeidet i stiftinga Hellesylt Bygdetun, og Gamleskulen vart bedne om å velje representantar til styret i Stiftinga. Det vart Marit Ljøen og Jarle Hole med Stig Tryggestad og Per Svein Hole som varamedlemer.

Økonomien i Gamleskulen aktivitetsmuseum er god, og laget hadde ei omsetning på knappe 40.000.- i 2025. Resultatet for i fjor gav eit overskot på vel 3.000.- kroner.
Laget hadde dette året rundt 120 medlemer, og mange betalte meir enn årskontingenten på 100.- kroner.
Til 20. mars i år har rundt 95 betalt medlemskap, men håpet er å kome på same medlemstal som i fjor, vart det sagt.

Under val fekk styret for Gamleskulen aktivitetsmuseum denne samansetjing;
Leiar: Arne Ringdal.
Sekretær og kasserar: Odd Jostein Bjørdal.
Styremedlemer: Eldrid Skrede (attval), Bjørn Tryggestad (ny), Silje Stadheim (ny).

Varamedlemer: 1. Kari Hauso Stadheim. 2.Gunhild Kvam. 3. Fredrik Stadheim.