I desember i fjor var Kor Nøye med konsert i Sunnylven kyrkje.

Laurdag 18. april er det vårkonsert med Kor Nøye i Storfjord kulturhus. Til konserten kjem også fire flotte songgjestar.

Før jul i fjor var Kor Nøye, mannskoret frå Stranda med Kjellaug Oma som dirigent i Sunnylven kyrkje. Mange kom og kunne gå heim frå ein flott, ugløymeleg konsert.

No er Kor Nøye klar for ein vårkonsert i Storfjord kulturhus på Stranda. Konserten er laurdag 18. april klokka 19.30.
Heile konserten består av norske songar, gamle og kjende, men også nokre heilt nye. Til konserten laurdag kjem også fire gjesteartistar, står å lese i meldinga frå koret. Det er Kløver 2 som består av Harald Overvoll og Britt Kleppe, og i tillegg to frå Hellesylt, Oddbjørg Stadheim og Kristin Storstein.

Det blir garantert ein ny, flott songkveld med Kor Nøye i Storfjord kulturhus, så ta turen til Stranda laurdag kveld. Bill.pris pr. person er kr. 325.-