Her blir vinterforet pakka i balgar

Sommarveret var godt og no vart det lange dagar med å få vinterforet i hus for bøndene.

Klokka hadde passert 22.00 , men framleis var Stadheim maskin i arbeid med innhausting av vinterfor og forbalgar til bøndene. Og truleg var kvelden ung for karane som sat  i traktoren og køyrde balgemaskina som pakka graset i «traktoregg», gras som var slått dagen før og forrtørka.

Denne mandagskvelden var veret godt i Sunnylvsbygda, ikkje nedbør og temperaturen viste 11.6 pluss klokka 22.30. Slik er det ikkje alltid i juni ei god veke før jonsok. Men bra er det at sommaren er komen og avlingane kjem i «hus».