Her går starten på konkurranseklassa Gapahuken opp frå badestranda i fjor.

Søndag 23. august går Sunnylven IL sitt motbakkeløp Gapahuken opp. Start er på badestranda på Hellesylt og målgang ved Gapahuken, Ringdal, 427 meter over havet.

Sunnylven IL arrangerer motbakkeløpet Gapahuken opp for tredje gong søndag 23. august.
Start på løpet er på badestranda på Hellesylt, over Hellesylt bro, opp gamlevegen forbi kyrkja, gjennom deler av byggefeltet på Reset og vidare opp det bratte terrenget mot Ringdal og før siste strekning til Gapahuken, totalt 3.18 km. langt og 427 høgdemeter opp frå start.

Start i konkurranseklassa er klokka 12.00, og i trim/mosjon kl. 11.00 – 12.00. Påmelding er heilt fram til start.
Startkontingent 12 – 15 år, kr. 100.-
Startkontingent 16 år og eldre kr. 200.-
Startkontingent mosjonsklasse kr. 100.-

I fjor stilte 27 kvinner og menn i konkurranseklassa og 37 i trimklassa.
Vinnarar i 2025 var Hege Ringdal på 24.56, og Ottar Frøysa Hellebostad på 21.17.
I alt 64 løparar fullførte Gapahuken opp i fjor, litt ferre enn året før, men det må rettast på, meinar arrangøren.
Leiar i Sunnylven IL, Tarjei Korsbrekke kjem med sterk oppmoding til unge og eldre om å melde seg på til dette spesielle motbakkeløpet.
-Skulle det vere for langt og bratt frå start til mål kan ein melde seg på og starte alternative plassar langs løypa, skriv leiaren i idrettslaget og legg til; -Målet er å få flest mogleg ut på tur.

Link for påmelding:
https://live.eqtiming.com/83391#dashboard