Tysdag 18. august blir det oppstart av Sterk og stødig på Sunnylven omsorgssenter.

I kjellaren på Sunnylven omsorgssenter kan alle bli med på oppstart av «Sterk og stødig». Oppstart etter sommarferien er tysdag 18. august mellom klokka 11.00 og 12.30, skriv Oda Skarland Fiskum, kommunefysioterapeut i Stranda kommune.

«Sterk og stødig» er eit førebygjande treningstilbod for heimebuande eldre på 65 år og meir. Hovudfokus med treninga er styrke og balanse .
Treninga passar for alle som kan forflytte seg utan hjelpemiddel innandørs, men som til tider kjennar seg litt ustø, heiter det i innkallinga til samlinga.

Treninga blir drive av sertifiserte, friviljuge instruktørar med rettleiinga frå kommunal fysioterapeut.
-Ønskjer du å bli sterk og stødig, og ønskjer du å fungere heime lengst mogleg?
Då må du bli med på treningstilbodet «Sterk og stødig», heiter det i innkallinga til samlinga 18. august.

For meir info og påmelding, ta kontakt med kommunefysioterapeut og Sterk og stødig veileder Oda Skarland Fiskum, tlf. 464 11 173,
e-post: oda.skarland.fiskum@stranda.kommune.no