Sunnylven Pensjonistlag markerer eldredagen 1. oktober med møte på Sunnylven kyrkjelydshus.

Sunnylven Pensjonistlag har sendt ut programmet for hausten. Det blir variert og spanande samlingar med song og musikk, kommunal informasjon og servering.

Pensjonistlaget har sendt ut skriv til medlemmane med informasjon om programmet for hausten, heilt fram til julebord i laget som i år er bestemt til 4. desember.

Haustprogrammet startar opp med feiring av eldredagen på Sunnylven kyrkjelydshus 1. oktober.
Til møtet kjem doktorgradstipendiat Rakel R. Bruland frå Hornindal som arbeider ved Høgskulen i Volda. Ho vil snakke om prosjektet «Eldre og deltaking i lokalsamfunnet».
På møtet blir det også tombola, og musikk av Olav Elling Gausdal og Bjarne Sjåstad. Møtet startar klokka 15.00.
Det er påmelding til møtet, til Astrid tlf. 906 75 234, eller Odd Jostein tlf. 957 52 330.

Laurdag 10. oktober er det ope arrangement, også då på Kyrkjelydshuset.
Møtet startar klokka 12.00 og varer til klokka 16.00. Det blir servert kaffi, sveler og vaflar, og ordførar i Stranda, Einar Arve Nordang kjem for å orientere om aktuelle saker i kommunen.
På møtet underheld trubadur Knut Hanssen.
Dette møtet er ope for alle, også medlemer som ikkje er med i pensjonistlaget.

Så 15. november kjem «Karabandet» frå Hornindal til Hellesylt og Sunnylven kyrkjelydshus. Her vil dei sju mannfolka underhalde med sine instrument, gitar, bass, trekkspel og munnspel, og til allsong frå alle frammøtte i god førjulsstemning.
På møtet, som startar kl. 15.00 blir det servering av karbonadesmørbrød og kaker, alt til inngangspris kr. 100.-

-Vel møtt til trivelege samlingar-, skriv Sunnylven Pensjonistlag til slutt.

Ordførar i Stranda, Einar Arve Nordang kjem til møtet i pensjonistlaget 10 oktober.